Մուգ գույնի ակնոցները կփրկեն միգրենից

Գլուխը ցավու՞մ է: Գիտնականները խորհուրդ են տալիս. որպեսզի գլխացավի ախտանիշները նվազեն, մգացրած ապակիներով ակնոց կրեք: Դա հատկապես կարևոր է նրանց համար, ովքեր տառապում են միգրենով: Գլխուղեղի որոշակի ակտիվությունից հիվանդները նոպայից առաջ տեսնում են վառ հետքեր կամ լույսի ճառագումներ, որոնք հետո անհետանում են:

Միչիգանի գիտնականները որոշել են ուսումնասիրել տեսողական  այդ խանգարումները: Միգրենին նախորդող հաճախակի պատճառներից են վառ կոնտրաստ գծիկները, որոնք որոշակի ձև ու գույն ունեն և կարող են շարժվել: Հետազոտությունը ցույց է տվել, որ միգրենի դեմ կարելի է պայքարել նաև մուգ գույնի ակնոցներով: Հատկապես, արդյունավետ են տարբեր գույների ապակիները, որոնք անհատականորեն ընտրվում են պացիենտի համար: Դրանց օգնությամբ հաջողվել է 70% դեպքերում նվազեցնել տհաճ զգացողությունները, այն դեպքում, երբ սովորական ակնոցները գունավոր ոսպնյակներով օգնել են գլխացավը նվազեցնել միայն 40% դեպքերում:

Հարցեր, պատասխաններ, մեկնաբանություններ